អដ្ឋកថា ហិរិសូត្រទី ៨

គប្បីជ្រាបវិនិច្ឆ័យក្នុងហិរិសូត្រទី ៨ តទៅ ជនណា រមែង បន្ទោបង់អកុសលធម៌ទាំងឡាយ ដោយហិរិ ព្រោះហេតុនោះ ទើបជននោះ ឈ្មោះថា អ្នកបន្ទោបង់អកុសលធម៌ដោយហិរិ ។ បទថា កោចិ លោកស្មឹ វិជ្ជតិ នេះ ទេវតាទូលសួរថា ជនបែបនេះ មានឬ ។ បទថា យោ និន្ទំ អបពោធេតិ ប្រែថា បុគ្គលណាកាលនាំនូវការនិន្ទា គឺសេចក្តីអាក្រក់ចេញ រមែងដឹង ។ បទថា អស្សោ ភទ្រោ កសាមិវ អធិប្បាយថា សេះអាជានេយ្យដ៏ ចម្រើន កាលសារថីនាំរំពាត់ចេញមក រមែងដឹង រមែងមិនឲ្យរំពាត់ធ្លាក់ទៅ ត្រូវខ្លួន ព្រោះឃើញស្រមោលនៃជន្លួញ ហាក់ដូចជានឹងចាក់ យ៉ាងណា ភិក្ខុ ណា កាលមិនឲ្យអក្កោសនវត្ថុដែលពិតធ្លាក់មកក្នុងខ្លួន ឈ្មោះថា នាំសេចក្តី និន្ទាចេញ កាលនាំចេញ រមែងភាក់រពឫក ទេវតាទូលសួរថា ព្រះខីណាស្រព មានសភាពបែបនេះ ត្រឹមតែមួយអង្គមានឬ ។ បុន្តែ បុគ្គលដែលឈ្មោះថា ផុតអំពីការជេរដោយពាក្យដែលមិនពិត រមែងមិនមាន ។ បទថា តនុយា ប្រែថា តិច អធិប្បាយថា ឈ្មោះថា ព្រះខីណា ស្រពទាំងឡាយ បន្ទោបង់អកុសលធម៌ទាំងឡាយដោយហិរិ កាល ត្រាច់ទៅ មានតិច ។ បទថា សទា សតា បានដល់ អ្នកប្រកបដោយ បរិបូណ៌នៃសតិ អស់កាលជានិច្ច ។ បទថា អន្តំ ទុក្ខស្ស បប្បុយ្យ បាន ដល់ ចាក់ធ្លុះព្រះនិព្វាន ដែលជាទីអស់ទៅនៃវដ្តទុក្ខ ។ ពាក្យដ៏សេស មាន ន័យតាមដែលពោលហើយនោះឯង ។