មាតុបោសកសូត្រទី ៩

សាវត្ថីនិទាន ។ គ្រានោះ ព្រាហ្មណ៍ឈ្មោះមាតុបោសកៈ ( អ្នកចិញ្ចឹមមាតា ) ចូលទៅរកព្រះមានព្រះមានព្រះភាគ លុះចូលទៅដល់ ហើយ ក៏ធ្វើសេចក្តីរីករាយ ជាមួយនឹងព្រះមានព្រះភាគ លុះបញ្ចប់ពាក្យដែល គួររីករាយ និងពាក្យដែលគួររពឫកហើយ ក៏អង្គុយក្នុងទីសមគួរ ។ លុះមាតុបោសកព្រាហ្មណ៍ អង្គុយក្នុងទីសមគួរហើយ បានក្រាបបង្គំទូលព្រះមាន ព្រះភាគដូច្នេះថា បពិត្រព្រះគោតមដ៏ចម្រើន ខ្ញុំព្រះអង្គស្វែងរកនូវភិក្ខា ដោយ ធម៌ លុះស្វែងរកនូវភិក្ខាដោយធម៌ហើយ តែងចិញ្ចឹមនូវមាតាបិតា បពិត្រ ព្រះគោតមដ៏ចម្រើន ខ្ញុំព្រះអង្គធ្វើយ៉ាងនេះ ឈ្មោះថាជាអ្នកធ្វើនូវកិច្ច ( តប គុណ ) បានដែរឬ ។ ព្រះអង្គត្រាស់ថា អើព្រាហ្មណ៍ អ្នកធ្វើយ៉ាងនេះ ឈ្មោះថា ជាអ្នកធ្វើនូវកិច្ច ( តបគុណ ) បានហើយ ម្នាលព្រាហ្មណ៍ បុគ្គល ណាស្វែងរកនូវភិក្ខាដោយធម៌ លុះស្វែងរកនូវភិក្ខាដោយធម៌ហើយ ចិញ្ចឹម មាតាបិតា បុគ្គលនោះតែងបានបុណ្យដ៏ចច្រើន ។ ព្រះមានព្រះភាគ បានត្រាស់នូវពាក្យនេះ ។ បេ ។ បុគ្គលណា ចិញ្ចឹមមាតា ឬបិតាដោយធម៌ បណ្ឌិតទាំងឡាយ រមែងសរសើរបុគ្គលនោះ ក្នុងលោកនេះ ព្រោះការបម្រើមាតាបិតាទាំងឡាយនោះ លុះបុគ្គលនោះ ទៅកាន់ បរលោកហើយ រមែងរីករាយក្នុងឋានសួគ៌ ។ កាលព្រះមានព្រះភាគ ទ្រង់ត្រាស់យ៉ាងនេះហើយ មាតុបោសកព្រាហ្មណ៍ បានក្រាបបង្គំទូលព្រះមានព្រះភាគ ដូច្នេះថា បពិត្រព្រះគោតម ដ៏ចម្រើន ច្បាស់ពេកណាស់ បពិត្រព្រះគោតមដ៏ចម្រើន ច្បាស់ពេក