កោសិយសិក្ខាបទ

[ ៧៤-៧៥ ] កោសិយសិក្ខាបទ បទថា តេន សមយេន ជាដើម ខ្ញុំ នឹងពោលក្នុងកោសិយសិក្ខាបទនោះ ដែលមានវិនិច្ឆ័យដូចតទៅនេះថា ច្រើនបទថា សន្ថរិត្វា កតំ ហោតិ សេចក្តីថា សន្ថ័តដែល ក្រាលសរសៃសូត្រត្រួតៗ គ្នា លើផ្ទៃដែលរាបស្មើ ហើយយកបាយម៉ានជាដើម ចាក់ចូលទៅ ហើយស្មាច់ ។ ក្នុងបទថា ឯកេនបិ កោសិយំសុនា មិស្សិត្វា នេះ អ្នកសិក្សា គប្បី ជ្រាបវិនិច្ឆ័យថា សន័្ថតដែលលាយ ( សូត្រ ) ដោយអំណាចនៃការពេញចិត្ត របស់ខ្លួន ចូរលើកទុក សូម្បីខ្យល់បក់យកសរសៃសូត្រមួយសរសៃ ទៅ ធ្លាក់ចុះក្នុងទីស្មាច់សន័្ថតនោះ យ៉ាងនេះ ក៏ឈ្មោះថា សន្ថ័តលាយ ( ដោយ សូត្រ ) ដូចគ្នា ពាក្យដ៏សេសគ្រប់ៗ អន្លើ មានអត្ថរាក់ទាំងអស់ ។