សិក្ខាបទវិភង្គនៃឱវាទសិក្ខាបទ

អធិប្បាយ សិក្ខាបទវិភង្គនៃឱវាទសិក្ខាបទ បទថា ញត្តិចតុត្ថេន បានដល់ ( ដោយញត្តិចតុត្ថកម្ម ) មានន័យដូចពោលហើយ ក្នុងរឿងមុនៗ នោះឯង ។ បទថា គរុធម្មេហិ គឺដោយធម៌ដែលធ្ងន់ ។ ពិតហើយ ធម៌ ទាំងនោះ ព្រះមានព្រះភាគត្រាស់ហៅថា គរុធម៌ ព្រោះជាធម៌ដែលភិក្ខុនី ទាំងឡាយគប្បីធ្វើការគោរព ទទួលយក ។ ក្នុងពាក្យថា ឯកតោ ឧបសម្បន្នំ នេះ គប្បីជ្រាបវិនិច្ឆ័យដូច្នេះថា ភិក្ខុណា រមែងពោលប្រៀនប្រដៅដោយគរុធម៌ដល់ភិក្ខុនីដែលឧបសម្បទាក្នុង សម្នាក់នៃភិក្ខុនីទាំងឡាយតែមួយចំណែក ត្រូវអាបត្តិទុក្កដដល់ភិក្ខុនោះ ។ តែ ជាអាបត្តិតាមវត្ថុនោះឯង ( ដល់ភិក្ខុដែលប្រៀនប្រដៅភិក្ខុនី ) ដែលឧបសម្បទាក្នុងសម្នាក់នៃពួកភិក្ខុ ។ អធិប្បាយ