អដ្ឋកថាអនុរុទ្ធសូត្រ

បទថា ឯវំ ចេតសោ បរិវិតក្កោ ឧទបទិ សេចក្តីថា បានឮថា ព្រះថេរៈ បួសហើយ ជាអ្នកបានសមាបត្តិខាងក្នុងវស្សាមុនគេបង្អស់ ឲ្យកើត ទិព្វចក្ខុដែលអាចឲ្យឃើញលោកធាតុទាំង ១០០០ បាន លោកបានទៅកាន់ សម្នាក់នៃព្រះសារីបុត្រ ហើយពោលយ៉ាងនេះថា លោកម្ចាស់សារីបុត្រ ក្នុង ទីនេះ ខ្ញុំឃើញលោកធាតុ ១០០០ ដោយទិព្វចក្ខុដ៏បរិសុទ្ធកន្លងបង់ចក្ខុ មនុស្ស ។ សេចក្តីព្យាយាមខ្ញុំប្រារព្ធហើយ មិនធូរថយ សតិខ្ញុំតាំងមាំហើយ មិនភ្លេចភ្លាំងកាយ ស្ងប់មិនក្រវល់ក្រវាយ ចិត្តតាំងមាំ មានអារម្មណ៍ ១ កាលបើដូច្នោះ ចិត្តរបស់ខ្ញុំមិនទាន់រួចផុតចាកអាសវៈទាំងឡាយ ព្រោះមិន ប្រកាន់មាំនេះ ។ គ្រានោះ ព្រះសារីបុត្រពោលនឹងលោកថា អាវុសោអនុរុទ្ធ ការគិតឯណាមានដល់លោកយ៉ាងនេះថា ខ្ញុំមើលឃើញ ។ បេ ។ ដោយទិព្វចក្ខុ ដូច្នេះ ការគិតរបស់លោកនេះ ជាមានះ អាវុសោអនុរុទ្ធ ការគិតណារបស់ លោក ដែលមានយ៉ាងនេះថា សេចក្តីព្យាយាមដែលខ្ញុំប្រារព្ធហើយ ។ បេ ។ មានអារម្មណ៍តែមួយ ការគិតនេះរបស់លោកជាឧទ្ធច្ចៈ ការគិតណារបស់ លោក ដែលមានយ៉ាងនេះថា កាលបើដូច្នោះ ចិត្តរបស់ខ្ញុំមិនទាន់រួចផុតចាក អាសវៈទាំងឡាយ ព្រោះមិនប្រកាន់មាំ ការគិតរបស់លោក ក៏ជាកុក្កុច្ចៈ សាធុ អរុនុទ្ធ លោកចូរលះធម៌ ៣ ប្រការនេះចេញ កុំដាក់ចិត្តក្នុងធម៌ ៣ ប្រការនេះ បង្អោនចិត្តចូលទៅដើម្បីអមតធាតុ ដូច្នេះ ព្រះថេរៈប្រាប់កម្មដ្ឋាន ដល់ព្រះអនុរុទ្ធ ដោយប្រការដូច្នេះ ព្រះអនុរុទ្ធទទួលកម្មដ្ឋានហើយ ទូលលា ព្រះសាស្តា ទៅកាន់ចេតិយរដ្ឋ ធ្វើសមណធម៌ ឈប់បង្អង់ដោយការច្រង្កម អស់កាលកន្លះខែ លោកលំបាកកាយ ព្រោះកម្លាំងនៃសេចក្តីព្យាយាម អង្គុយ ខាងក្រោមគុម្ពបឫស្សីមួយ ។