អដ្ឋកថាទុតិយសិលាយូបសូត្រ

គប្បីជ្រាបវិនិច្ឆ័យក្នុងទុតិយសិលាយូបសូត្រទី ៦ ដូចតទៅ នេះ បទថា ចន្ទិកាបុត្តោ បានដល់ ព្រះថេរៈឈ្មោះចន្ទិកាបុត្រ ប្រាកដឈ្មោះ តាមមាតា ។ បទថា ចេតសា ចិត្តំ សុបរិចិតំ ហោតិ សេចក្តីថា របេបោ ការប្រព្រឹត្តរបស់ចិត្តដែលភិក្ខុអប់រំល្អហើយ គឺចម្រើនល្អហើយ ឲ្យខ្ពស់ទៅៗ ដោយការប្រព្រឹត្តរបស់ចិត្ត ។ បទថា នេវស្ស ចិត្តំ បរិយាទិយន្តិ បានដល់ អារម្មណ៍ទាំងនោះមិនអាចជាប់ស្អិតចិត្តុប្បាទរបស់ព្រះខីណាស្រពនោះ ឲ្យអស់ ទៅ ហើយតាំងនៅបាន ។ បទថា អមិស្សីកតំ បានដល់ ចិត្តមិនច្រឡូក ច្រឡំដោយអារម្មណ៍ទាំងនោះ ព្រោះអារម្មណ៍ទាំងនោះមិនជាប់ ។ បទថា អានេញ្ជប្បត្តំ បានដល់ ដល់នូវការមិនញាប់ញ័រ គឺការមិនអន្ទះអន្ទែង ។ បទថា សិលាយូបេ បានដល់ សសរថ្ម ។ បទថា សោឡសកុក្កុកោ បានដល់ ប្រវែង ១៦ ហត្ថ ។ បទថា ហេដ្ឋានេមង្គមា បានដល់ ចាក់ចូលទៅ បាតរណ្តៅ ។ បទថា ឧបរិនេមស្ស បានដល់ លើរណ្តៅ ។ បទថា សុនិខាតត្តា បានដល់ យកអង្រែដែកដំកប់រហូតបានជ្រៅ ។ ក្នុងបទថា ឯវមេវ ខោ នេះ គប្បីឃើញព្រះខីណាស្រព ដូចសសរថ្ម កិលេសកើត ក្នុងទ្វារ ៦ ដូចខ្យល់ព្យុះ គប្បីជ្រាបកិលេសកើតឡើងក្នុងទ្វារ ៦ មិនអាច ញ៉ាំងចិត្តរបស់ព្រះខីណាស្រពឲ្យញាប់ញ័របាន ដូចខ្យល់ដែលបក់មកអំពី