អដ្ឋកថាចុន្ទសូត្រ

គប្បីជ្រាបវិនិច្ឆ័យក្នុងចុន្ទសូត្រទី ៤ ដូចតទៅនេះ ព្រះមហាចុន្ទពោលអាការនៃញាណទស្សនៈ ដោយបទថា ជានាមិមំ ធម្មំ នេះ ។ លោកពោលវាទៈទាំង ២ រួមគ្នា ក្នុងវារៈទី ៣ នៃភាវនាវារៈ ដោយបទថា ភាវិតកាយោម្ញិ ជាដើម ។ វាទៈទាំង ៣ នោះ រមែងប្តេជ្ញាអរហត្តដូចគ្នា ។ បទថា អឌ្ឍវាទំ វទេយ្យ សេចក្តីថា គប្បីពោលអួតថា ខ្ញុំជាបុគ្គលមានការ មាំទាំ ។ បទថា ឧបនីហាតុំ ប្រែថា ដើម្បីនាំចេញឲ្យ ។