កាសាវជាតកទី ១

( ដំរីពោធិសត្វពោលថា ) បុគ្គលណាមានទឹកចត់ គឺ កិលេស មិនទាន់លះចេញហើយ ជាអ្នកប្រាសចាកទមៈ ( ការទូន្មាននូវ ឥន្ទ្រិយ ) និងសច្ច នឹងស្លៀកដណ្តប់នូវសំពត់ដែលជ្រលក់ដោយទឹកចត់ បុគ្គលនោះមិនគួរនឹងស្លៀកដណ្តប់នូវសំពត់ជ្រលក់ដោយទឹកចត់ឡើយ ។ ចំណែកខាងបុគ្គលណាមានទឹកចត់ គឺកិលេសខ្ជាក់ចោល ហើយ មានចិត្តតាំងមាំល្អក្នុងសីលទាំងឡាយ ជាអ្នកប្រកបដោយទមៈនិង សច្ច បុគ្គលនោះឯងទើបគួរនឹងស្លៀកដណ្តប់នូវសំពត់ជ្រលក់ដោយទឹកចត់ បាន ។