ខុរប្បជាតកទី ៥

( កូនរបស់ឈ្មួញរទេះពោលថា ) អ្នកឃើញនូវព្រួញដែល ពួកចោរបាញ់ហើយដោយកម្លាំងនៃធ្នូផង នូវព្រះខាន់សំលៀងដោយប្រេងដ៏ មុតដែលពួកចោរកាន់ហើយផង កាលសេចក្តីស្លាប់ដែលគួរខ្លាចនោះចូលមក តាំងនៅចំពោះមុខហើយ ហេតុអ្វីក៏អ្នកមិនមានសេចក្តីតក់ស្លុតសោះ ។ ( ពោធិសត្វជាមេអ្នករក្សាដងព្រៃពោលថា ) ខ្ញុំឃើញនូវ ព្រួញដែលបាញ់ហើយដោយកម្លាំងនៃធ្នូ នូវព្រះខាន់សំលៀងដោយប្រេងដ៏ មុតដែលពួកចោរកាន់ហើយ កាលសេចក្តីស្លាប់ដែលគួរខ្លាចនោះចូលមកតាំង នៅចំពោះមុខ ខ្ញុំក៏ត្រឡប់បានសេចក្តីត្រេកអរច្រើនដ៏លើសលុប ។ ខ្ញុំនោះមានសេចក្តីត្រេកអរបានគ្របសង្កត់នូវពួកសត្រូវ ( ព្រោះថា ) ខ្ញុំបានលះបង់ជីវិតមុនហើយព្រោះថា បុគ្គលអ្នកក្លៀវក្លាកាល ធ្វើសេចក្តីអាល័យក្នុងជីវិត គប្បីធ្វើនូវកិច្ចរបស់អ្នកក្លៀវក្លា ក្នុងកាលណាៗ មិនបានទេ ។