អដ្ឋកថាគិរិមានន្ទត្ថេរាបទាន

គប្បីជ្រាបពាក្យអធិប្បាយក្នុងអបទានទី ៧ ដូចតទៅនេះថា អបទានរបស់គិរិមានន្ទត្ថេរ មានពាក្យផ្តើមថា ភរិយា មេ កាលង្កតា ដូច្នេះ ។ ព្រះថេរៈអង្គនេះ ជាអ្នកមានអធិការបានធ្វើទុកហើយក្នុងព្រះពុទ្ធអង្គមុនៗ សន្សំបុណ្យទាំងឡាយដែលជាឧបនិស្ស័យនៃព្រះនិព្វានទុកក្នុងភពនោះៗ ក្នុង កាលនៃព្រះមានព្រះភាគព្រះនាមថាសុមេធៈ កើតក្នុងផ្ទះមានត្រកូល ចម្រើន វ័យហើយ នៅគ្រប់គ្រងផ្ទះ កាលភរិយានិងបុត្តអស់ជីវិត ត្រូវសរគឺសេចក្តី សោកចាក់ដោត ទើបចូលព្រៃបរិភោគផ្លែឈើដែលជ្រុះឯង អាស្រ័យនៅត្រង់ គល់ឈើ ។ ក្នុងកាលនោះ ព្រះមានព្រះភាគព្រះនាមថាសុមេធៈ បានយាង ទៅកាន់ទីនោះដើម្បីអនុគ្រោះ ទ្រង់សម្តែងធម៌ដកនូវសរ គឺសេចក្តីសោក ។ កុលបុត្តនោះស្តាប់ធម៌ហើយ មានចិត្តជ្រះថ្លា យកផ្កាដែលមានក្លិនក្រអូប បូជា ព្រះមានព្រះភាគ ក្រាបថ្វាយបង្គំដោយបញ្ចង្គប្រតិស្ឋាន ផ្គងអញ្ជលីដាក់លើ សិរសា សរសើរព្រះមានព្រះភាគ ។ ដោយបុណ្យនោះ កុលបុត្តនោះអន្ទោល ទៅក្នុងទេវតានិងមនុស្សទាំងឡាយ បានសោយសេចក្តីសុខក្នុងលោកទាំងពីរ ក្នុងពុទ្ធុប្បាទកាលនេះ កើតជាកូនបុរោហិតរបស់ព្រះបាទពិម្ពិសារក្នុងនគររាជ គ្រឹះ ។ កុលបុត្តនោះមានឈ្មោះថាគិរិមានន្ទ ។ គិរិមានន្ទនោះ ដល់នូវភាពជា អ្នកដឹងក្តីហើយ ឃើញអានុភាពរបស់ព្រះពុទ្ធ ក្នុងគ្រាដែលព្រះសាស្តាទ្រង់ យាងមកកាន់នគររាជគ្រឹះ មានសទ្ធាបួសហើយ បំពេញសមណធម៌ ក្នុង អាវាសក្បែរស្រុក ២-៣ ថ្ងៃ ហើយទៅកាន់នគររាជគ្រឹះ ដើម្បីថ្វាយបង្គំព្រះសាស្តា ។ ព្រះបាទពិម្ពិសារ បានជ្រាបថា លោកនិមន្តមក ទើបយាងចូលទៅ រកហើយបវារណាថា និមន្តលោកម្ចាស់នៅទីនេះចុះ ខ្ញុំនឹងទំនុកបម្រុងដោយ បច្ច័យ ៤ ដូច្នេះ ។ កាលព្រះរាជាយាងទៅ